Seksyon Imigran ak Dwa Anplwaye (IER)

FÒMILÈ AKIZASYON IER

Lwa imigrasyon entèdi sèten kalite diskriminasyon ak vanjans nan travay, tankou: 1) diskriminasyon baze sou estati legal an rapò ak anbochaj, revokasyon, oswa rekritman oswa referans pou lajan tout moun ki pwoteje; 2) diskriminasyon ki baze sou orijin nasyonal (ki enplike patwon ki gen kat a katòz anplwaye) an rapò ak anbochaj, revokasyon, oswa rekritman oswa referans pou lajan tout moun ki otorize legalman pou travay nan Etazini. Lwa a entèdi tou (3) pratik dokimantè malonèt:ki rive lè yon moun, yon biznis, oswa yon òganizasyon refize aksepte yon dokiman valab, mande dokiman espesifik oswa mande plis dokiman oswa mande diferan dokiman pase sa yo egzije pou ranpli Fòmilè I-9 la akòz estati legal yon moun oswa orijin nasyonal li. Lwa a entèdi tou (4) vanjans kont moun ki revandike dwa yo ki pwoteje anba dispozisyon anti-diskriminasyon ki nan lwa imigrasyon an, oswa ki patisipe oswa ede nan yon ankèt biwo sa a fè.

ENSTRIKSYON YO POU FÒMILÈ AKIZASYON AN

Kiyès ki ka fè akizasyon: Nenpòt ki moun ki deklare yo se viktim diskriminasyon oswa reprezay oswa yon moun ki gen otorizasyon pale nan non viktim nan. Yo dwe voye fòmilè akizasyon sa a pa lapòs nan adrès ki pi ba a oswa fakse li nan (202) 616-5509 oswa voye li pa imèl nan IER@usdoj.gov nan yon delè 180 jou apati de dat diskriminasyon y ap deklare a. Tanpri pou ranpli fòmilè sa a tape oswa ekri klè enfòmasyon nou mande yo, nan nenpòt ki lang. Si yon kesyon pa konsène ou, kite li vid.

Nimewo OMB: 1190-0018
Dat Revizyon: Oktòb 2024