Biwo yo
STRIKTI OGANIZASYON?L
Biwo Komisè Etazini pou Distrik Sid Laflorid lan se chèf anfòsman lalwa nan pou Distrik la. USAO [biwo Komisè Etazini] òganize nan fason swivan an: Divizyon Egzekitif, Divizyon Administratif, Divizyon Apèl, Divizyon Sivil, Divizyon Konfiskasyon Byen, Divizyon Kriminèl (ki enkli Seksyon Krim Ekonomik & Anviwonman, Seksyon Krim Majè [Grav], Seksyon Narkotik, Seksyon Pouswit Lajistis Espesyal, ak Pwoteksyon Piblik, Sekirite Nasyonal ak Seksyon Dwa Sivil). Anplis de biwo Miyami an, gen biwo sikisal ak pèsonèl nan Ft. Lauderdale, West Palm Beach ak Ft. Pierce, epi yon biwo nan Key West san pèsonèl. Swivan an se yon deskripsyon jeneral Divizyon yo:
DIVIZYON EGZEKITIF
Divizyon Egzekitif Biwo Komisè Etazini an konpoze de ekip administrasyon prensipal lan, Ekip Fòmasyon, ak Ekip Asistans Viktim-Temwen. Ekip administrasyon prensipal lan enkli Komisè Etazini an, Premye Asistan Komisè Etazini an, Asistan Egzekitif Komisè Etazini an, Konseye Komisè Etazini an, ak Konseye Espesyal an pou Komisè Etazini an. Ekip administrasyon prensipal lan, travay pre ak lidè Divizyon Administratif, Apèl, Konfiskasyon Byen, Sivil, ak Kriminel, epi ekip lan okipe ak sipo pwosè devan lajistis, operasyon, ak administrasyon nan tout Distrik lan.
Ekip Fòmasyon an, ki fè pati Divizyon Egzekitif lan, bay anplwaye Biwo Komisè Etazini opotonite devlopman pwofesyonèl. Pou ranpli misyon sa, Ekip Fòmasyon an souvan prezante evenman fòmasyon entènn ki edike Komisè Etazini yo [AUSA] sou anpil koze reyèl ak koze pwosedi legal epi bay AUSA yo konsèy pretik sou aplikasyon lalwa daprè ka yo genyen yo. An plis de sa, Ekip Fòmasyon an prezante evenman fòmasyon entènn pou pèsonèl sipò yo sou koze ki gen pou wè spesifikman ak responsabilite yo; asire ke anplwaye yo ranpli tout direktif obligatwa fòmasyon Depatman Lajistis; Koodine ak fasilite ke anplwaye yo prezan nan evenman fòmasyon andeyo biwo a, ki enkli klas Sant Reprezantasyon Nasyonal Depatman Lajistis ofri; epi founi bank referans entènn ak mateyo resous pou avoka yo ak pèsonèl sipò yo.
Ekip Asistans Viktim Temwen reprezante entere gouvènman an ak victim ak temwen yon krim. Biwo Komisè Etazini an bay viktim ak temwen yo sipò pandan tout pouswit devan lajistis konsènan yon koze kriminèl. Pami lòt sèvis, Ekip Asistans Viktim Temwen notifye viktim konsènan enfòmasyon ka a, dirije yo a sèvis yo bezwen pou ede yo nan demach retabli yo anko, epi ede viktim ak temwen ak transpòtasyon pou vwayaje. An plis de sa, Ekip Asistans Viktim Temwen ede viktim ak temwen yo konpran pwosedi lajistis kriminèl lan.
DIVIZYON ADMINISTRATIF
Misyon Divizyon Administratif lan se pou founi sèvis administratif ak sipò ki konsitan ak efikas bay anplwaye yo ak pwogram Biwo Komisè Etazini an pou Distrik Sid Laflorid.
Divizyon Administratif lan responsab pou planifikasyon ak egzekisyon yon serie sèvis administratif ekstansif ki sipòte misyon Biwo Komisè Etazini an. Divizyon an jere pa Ofisye Administratif lan, ki se konseye prensipal Komisè Etazini an ak Distrik lan konsènan koze administratif. Ofisye Administratif lan founi sipèvizyon sou administrasyon ak izaj resous finans, imènn ak fizik Distrik la epi sou règleman administratif, pwosedi, enfòmasyon ak pratik yo. Pwogram administratif yo enkli: sekirite fizik ak pèsonèl; jesyon resous imènn; jesyon finans; acha; jesyon espas; jesyon sistèm ak enfòmasyon; sipò otomatik pouswit lajistis; jesyon ka ak fich ransegnman; sèvis telekominikasyon; akizisyon; jesyon pwopriyete; ak sèvis sipò, enkln jesyon kourye, materyo, ak jesyon dosye [rejis] yo.
Seksyon yo
Fiskal
Seksyon Fiskallan responsab pou fòmilasyon, egzekisyon, ak veye resous finansye Distrik lan. Responsibilite yo enkli peye fakti founisè yo touswit, pwogram vwayaj ak ranbousman anplwaye yo, ak jesyon alokasyon pèwòl/resous imènn.
Resous Imènn
Seksyon Resous Imènn lan founi jesyon avetisman, rekritman, jwenn anplwaye, klasifikasyon pozisyon, relasyon anplwaye, jesyon pèfòmans, pwogram prim, kontabilite pèsonèl, benefis, ak sèvis pwosedi pèsonèl. Epitou seksyon sa responsab pou peye administradyon ak lè tretman ak rejistre prezans.
Enfòmasyon Teknoloji
Seksyon Enfòmasyon Teknoloji lan responsab pou tout sistèm otomatize yo. Senk pwogram prensipal yo se: biwotik [otomizasyon biwo]; jesyon dosye elektwonik; jesyon ka; sipò pwosè devan lajistis; ak telekominikasyon. Anplwaye biwotik yo pral soutni rezo biwo a, bay kliyantèl lan sipò, jere sistèm telefòn eVoIP lan, konfèrans videyo ak antretyen koneksyon. Epi tou yo responsab pou jesyon dosye elektwonik yo. Anplwaye jesyon ka a responsab pou afiche enfòmasyon ak rapote tout ka yo nan Distrik lan. Pèsonèl sipò pwosè devan lajistis responsab pou pwodwi prezantasyon nan tribinal, montaj odyo-vizyèl nan sal tribinal lan ak ede anplwaye pwofesyonèl lan ak preparsyon pwosè an.
Sèvis Sipò Administratif
Sèvis Sipo Administratif separe nan twa Gwoup: Sèvis Sipò, Akizisyon [Acha], ak Pwopriyete [Byen]; Kominikasyon; ak JesyonKomodite. Seksyon an responsab pou tout akizisyon an relasyon a sèvis legal, epi ak acha mateyo, mèb, ak ekipman biwo; operasyon lojistik, enkli ak sèvis kominikasyon, òganizasyon konfèrans, deplasman fizik entènn, sèvis lapòs ak kourye; jesyon dosye ak achiv; epi jesyon machin gouvènman ak pwopriyete. Epitou yo devlope ak jere kontra sèvis pou ekipman biwo, koodinen bezwen espas ak etablisman biwo Distrik yo, de biwo satelit yo ak espas preparasyon pwosè san pèsonèl, epi founi lòt sipo ki afekte operasyon kotidyen Biwo a.
Sekirite
Seksyon Sekirite an responsab pou byenet ak sekirte tout anplwaye yo. Pèsonèl la jere bezwen sekirite fizik tout etablisman an, ki enkli sipèvizyon Ofisye Sekirite Espesyal Distrik yo ak sistèm idantifikasyon sekirite ak aksè. An plis de sa, yo asire sekirite pèsonèl biwo a ak pwoteje enfòmasyon ki konfidansyèl. Epitou pèsonèl Sekirite an yo responsab pou Plan Ijans Distrik lan ak pwogram byenet, kòm fòmasyon CPR, ranpli kondisyon OSHA epi konesans sekirite.
DIVIZYON KRIMIN?L
Divizyon Kriminèl Biwo Komisè Etazini pou Distrik Sid Laflorid reprezante nan tou lè kat biwo ak pèsonèl nan Distrik lan. An tèt li se Chèf Divizyon Kriminèl lan, ki baze nan biwo prensipal Distrik lan nan Miyami. Nan Miyami, aktivite Divisyon Kriminèl lan depan tou de Chèf Adjwen Divizyon Kriminèl lan. Rejyon Santral lan (biwo sikisal Fort Lauderdale lan) ak Rejyon Nò lan (biwo sikisal West Palm Beach ak Fort Pierce) chak gen yon Asistan Manajè Komisè Etazini (MAUSA) ki responsab pou jere operasyon kotidyen Divizyon Kriminèl lan an pwòp rejyon pa yo. MAUSA yo depan direkteman bay Chèf Divizyon Kriminèl lan nan Miyami.
Nan biwo Miyami an, Divizyon Kriminèl lan divize nan senk seksyon: Krim Ekonomik ak Anviwonman; Krim Majè [Grav]; Nakotik; Sekirite Nasyonal Entegrite Piblik & Dwa Sivil; epi Pouswit Lajistis Espesyal. Chak seksyon gen yon Chèf an tèt li epi omwen yon Chèf Adjwen. Gen apepre 100 AUSA k ap travay nan Divizyon Kriminèl lan nan Miyami.
Nan Rejyon Santral lan, Divizyon Kriminèl lan divize nan twa seksyon: Krim Ekonomik; Nakotik & Krim Majè [Grav]; epi Krim Pganize & Pouswit Lajistis Espesyal Nò. Chak seksyon gen Chèf Seksyon pa yo, epi gen plis ke 30 AUSA k ap travay nan Divizyon Kriminèl lan nan Rejyon Santral lan.
Nan Rejyon Nò lan, Divizyon Kriminèl lan divize nan twa seksyon: Kriminèl I (baze nan West Palm Beach); Kriminèl II (baze nan West Palm Beach); ak Kriminèl III (baze nan Fort Pierce). Chak seksyon gen Chèf Seksyon pa yo, epi gen plis ke 30 AUSA k ap travay nan Divizyon Kriminèl lan nan Rejyon Nò lan.
Seksyon Krim Ekonomik & Anviwonman
Seksyon Krim Ekonomik ak Anviqonman mennen ankèt a mennen devan lajistis gwo valè krime anviwonman ak anplwaye biwo. Seksyon an divize nan twa gwoup: Gwoup Fwòd Jeneral; Gwoup Fwòd Swen Lasante; ak Gwoup Krim Anviwonman.
Gwoup Fwòd Jeneral
Gwoup Fwòd Jeneral lan konsantre l sou krim finansye an jeneral, ki enkli envestisman komplèks ak fwòd sekirite, manigans Ponzi, operasyon “boiler room” ak defwode biznis, fwòd labank, fwòd kooporasyon, fwòd ipotèk, fwòd enfòmatik (òdinatè), fwòd taks, fwòd fayit, zak ki anba Lwa Pratik Koripsyon Etranje [ Foreign Corrupt Practices Act], ak lòt gwo valè fwòd lapòs ak transfè. Pou reponn a krim ki fèt nan fwòd ipotèk, nan 2008 Distrik lan te kreye yon Gwoup Kont Fwòd Ipotèk, ki opere anba Gwoup Fwòd Jeneral lan. Depi li fòme. Gwoup Kont Fwòd Ipotèk lan antèt nan tout nasyon an nan pouswit devan lajistis pou fwòd ipotèk. Nan Desanm 2010, Distrik lan anonse fòmasyon Gwoup Kont Fwòd Sekirite ak Envestisman kòm pati yon pi gwo inisiyatif pou konbat magouy fwòd envestisman nan Sid Laflorid.
Gwoup Fwòd Swen Lasante
Gwoup Fwòd Swen Lasante an spesyalize nan deteksyon, envestigasyon ak mennen devan lajistis moun k ap komèt fwòd swen lasante soutou kont pwogram Medicare lan ak konpanyi asirans prive yo. Bi Gwoup Fwòd Swen Lasante an se pou reponn rapidman a magouy fwòd kont Medicare lan ki toujou ap evolye nan Miami-Dade County, anpil fwa yo enkli fò reklamasyon pou ekipman medikal ki dire lontan, medikaman VIH ak “enfizyon” kansè, sèvis sante a domisil, terapi fizik/terapi pwofesyonèl, ak sèvis sante mantal. Pou reponn a epidemik fwòd swen lasante nan Sid Laflorid, nan 2007 Distrik lan kreye premye Gwoup Kont Fwòd Swen Lasante nan nasyon an. Epitou se sèlman Distrik lan ki gen Biwo Fwòd Swen Lasante ki endepandan nan tout nasyon an, kote ajan yo, moun k ap mennen ankèt yom, enfimye praktisyèn/n, ak AUSA yo travay ansanm ak CMS pou jwenn fwòd swen lasante preske pandan l ap fèt lan. Distrik Sid Laflorid te toujou antèt lis lan pou pouswit lajistis konsèn fwòd swen lasante.
Gwoup Krim Anviwonman
Apa Main Justice se sèlman Distrik Sid Laflorid ki gen yon Gwoup Krim Anviwonman. Gwoup sa mennen ankèt ak mennen devan lajistis moun ki an vyolasyon lwaki pwoteje anviwonman an ak la nati [fòn ak flora]. Non sèlman Gwoup lan mennen moun k ap kreye polisyon devan lajistis poutèt yon an vyolasyon ak regleman regadan lè, la tè, ak dlo yo, mèn gen zak ki pa tradisyonèl kòm endistri maritim lan k ap jete dechè solid ak plastik, ak trafik ilegal nan manje ki kontaminen ak pwodwi famasetik. Epitou Gwoup lan bay ofisye anfòsman lalwa sipò nan vast National Parklands [Pak Nasyonal] ak Wildlife Refuges [Rezev Natirèl] ki nan Distrik lan. Yon posyon enpòtan nan resous yo ale anvè anfòman Endangered Species Act [Lwa pou Espès Menase], Lacey Act, ak Marine Mammal Protection Act [Lwa Pwoteksyon Mamifè Marinn], pou vyolasyon ki varye de destriksyon abita jiska komès entènasyonal ilegal de espès ki menase ak andanje. Gen anpil nan ka Gwoup la ke yo travay ansanm ak otorite lajistis etranje, ak ajans leta ak lokal.
Seksyon Krim Majè [Grav]
Seksyon Krim Majè [Grav] lan responsab pou mennen devan lajistis krim federal ki fèt nan konte Miami-Dade ak Monroe, epitou ak mennen ankèt nan yon varyete krim federal ki enplike: (1) operasyon ak pwopriyete gouvènman an, enkli menas a Prezidan Etazini, atak ki fèt kont ofisye Federal, vole pwopriyete gouvènman an, fabrikasyon fò dokiman, ofans kont lapòs, fwòd sekirite sosyal, epi chèk Treasury [Ministè Finans] yo ta volè ak falsifye; (2) krim ki gen pou wè ak sikwi komès ant eta yo, ki enkli trafik etranje, detounman avyon, entèvansyon ak pèsonèl a bò, transpòte byen ki volè, kontreban lajan an gwo, epi trafike nan sekirite ak kat kredi ki fò ak volè; (3) krim pwosedi legal, enkli ak obstriksyon lajistis, bay ajan federal fò deklarasyon, epi pa ranpli kondisyon kosyon an; (4) krim vyolan, enkli kidnapinn, ekstòsyon ak volè ak zam anba Hobbs Act [Lwa Hobbs], kambriyolaj labank, volè machinn ak agresyon, wpi posesyon ilegal zam; (5) krim kont fi, timoun ak fanmi, enkli ponografi timoun, ak kadejak ki fèt pandan sou lanmè; (6) ofans fwòd imigrasyon; (7) vyolasyon trafike dwòg, enkli kontreban nan areyopò ak sou waf, plante mariwana nan kay epi van dwòg nan lari anba chal; epi (8) lòt krim ki fèt nan kote gen jirisdiksyon federal, kòm nan pak nasyonal ak lòt tè ak batiman federal.
Seksyon an divize nan kat Gwoup, chak gen Chèf Adjwen yo. Malgre chak AUSA nan Seksyon an okipe yon varyete ka ak ankèt reaktif, chak Chèf Adjwen yo gen premye responsabilite pou rasanble ak koodinen ak yon varyete ajans ankèt leta, lokal ak federal ki asinyen a gwoup travay k ap konsantre sou ankèt vòl kargo, krim maritim, Project Safe Neighborhood [Pwojè Katye Senesòf], vòl idantite ak trafik imigran. Köm Seksyon USAO ki mennen plis ka devan lajistis, komisè nan Seksyon ale devan lajistis pa mwayènn 5 a 10 fwa chak ane. E an plis pou yo kenbe yon kaladriye tribinal aktif, komisè nan Seksyon Krim Majè [Grav] yo antèt ankèt pwoaktif konsenan krim federal yo.
Seksyon Narkotik
Seksyon Narkotik lan toujou antèt nan nasyon an nan pouswit devan lajistis de moun k ap trafik anpil narkotik. Komisè yo gen anpil ekspeyans epi yo kalifye nan Gwoup Anfòsman Dwòg Krim Oganize [Organized Crime Drug Enforcement Task Force] (OCDETF), Seksyon sa vreman pwouve tèt li lè yo mennen pi gwo trafikan narkotik yo devan lajistis epi yo jwenn yo koupab. De pouswit lajistis lan ak konviksyon lidè katèl Medellin, Cali, ak Norte Valle yo, a ekstradiksyon ak retire pli gwo chèf gwoup paramilitè ak klandesten Kolonbyen yo, Seksyon sa te e l ap kontinye goumen nan pouswit chèf responsab dwòg entènasyonal yo ak òganizasyon narko-trafikan ak blanchisman lajan yo. Seksyon an ap kontinye idantifye ak korespon ak narko-trafikan ak menas narko-teworism atravè lemon antye. Resamman, Distrik Sid Laflorid vin premye distrik nan nasyon an pou fòme yon gwoup spesyalize nan Seksyon Narkotik lan ki dedikase pou mennen ankèt ak pouswit menas narko-trafikan ki egziste kounyea nan Amerik Santral ak Amerik di Sid: “Bandas Criminales,” ke yo konnen tou kòm “BACRIMS.” Epitou, se te premye Distrik ki te konsantre sou rejyon Basen Karayib kòm yon pwen transbòdman pou dwòg k ap rantre Ozetazini ki soti Amerik di Sid. Nan yon strateji pwoaktif pou femen wout trakif sa, USAO lan fèk komanse Inisyatif Basen Karayib lan, kote yo devouwe resous pou kombat nouvo pwoblèm sa.
Komisè Gwoup Zòn Trafik Dwòg Entans Seksyon Narkotik (HIDTA) yo plase ak ajan Gwoup Operasyon ATF, DEA, FBI, ICE, ak ajans lokal anfòsman lalwa de Konte Miami-Dade ak Broward. Non sèlman y ap pesekite narko-trafikan entènansyonal ak moun k ap blanchi lajan, komisè HIDTA yo sou liyn batay lan nan mennen manm gang domestik k ap van dwòg nan lari ak òganizasyon k ap afekte kominote lokal nou yo, devan lajistis. Pouswit lajistis sa yo nan Etazini pral vin jwenn kriminèl vyolan ki te genyen ak sèvi ak zam pou eseye pwoteje ak avanse biznis trafik dwòg yo sa yo koupab.
Seksyon Sekirite Nasyonal Entegrite Piblik & Dwa Sivil
Seksyon Sekirite Nasyonal Entegrite Piblik ak Dwa Sivil envestige ak mennen ka devann lajistis nan twa kategori sansib: (1) koze koripsyon ki komèt pa ofisye federal, eta, lokal, ke yo eli oswa pa eli; (2) ka antiteworism ak konsekans sou tout teritwa an. Ankèt teworism an patikilye ap fèt ansanm ak Komite Miks Teworism [Joint Terrorism Task Force] (JTTF), yon komite FBI ap dirije nan Laflorid di Sid. Kèk nan siksè Seksyon an se U.S. v. Padilla ak ka Liberty City Six; epi (3) ka ki gen pou wè ak eksè fòs, dwa vote, ak lòt vyolasyon dwa sivil.
Seksyon Pouswit Espesyal
Responsabilite prensipal Seksyon Pouswit Espesyal lan se mennen envestigasyon ak pouswit krim vyolan ki mennen yon lanmò oswa andomajman grav fizik yon moun, trafik imènn, ak koze eksplwatasyon timoun devan lajistis. Dabitid AUSA ki nan Seksyon an mennen ankèt sou koze ki gen pou wè ak manm gang, menas pou komèt yon zak grav sou yon moun oswa lanmò, vòl ak zam en seri, kidnapinn, anvayi kay, epi lòt krim ki kalifye pèn lanmò. Epitou AUSA yo travay sou ka eksplwatasyon timoun ki enplike tourism sèks entènasyonal, sediksyon [pwovokasyon] timoun sou entènèt, ak pwodwi ponografi timoun. Epitou, AUSA yo travay sou ka trafik imèn domestik ak entènasyonal. Seksyon an okipe ka reyaktif ak ankèt istorik a lontèm ak pwoaktif. Epitou Seksyon an responsab pou sipèvize Pwojè Timoun Senesòf [Project Safe Childhood], Pwojè Katye Senesòf [Project Safe Neighborhood], ak Pwogram Trafike Imèn [Human Trafficking Programs] Distrik lan. Nan kapasite sa, AUSA yo travay ansanm ak ofisye anfòsman lalwa federal ak lokal pou konbat eksplwatasyon timoun, trafik imen, ak krim vyolan. Epitou AUSA yo patisipe nan pwogram pwoksimite kominote an ak prezantasyon pou ogmante konesans piblik lan konsenan koze se yo.
DIVIZYON SIVIL
Divizyon Sivil Biwo Komisè Etazini pou Distrik Sid Laflorid reprezante Lèzetazini nan anpil diferan pwosè sivil [asinyen] defans ak afimatif ki ta genyen soutou nan Tribinal Distrik Etazini pou Distri Sid Laflorid. Epitou AUSA ki nan Divizyon Sivil lan pratike devan Tribinal Fayit Ameriken ak Tribinal eta Laflorid. Divizyon Sivil lan konsiste de Gwoup Pwosè Jeneral, Fwòd MedikalAnfòsman Afirmatif Sivil (ACE), ak Pwosè Finansye (FLU).
Pwosè Jeneral
Majorite AUSA Divizyon Sivil lan okipe pwosè jeneral ak sivil. Prensipalman AUSA sa yo defan Lèzetazini nan ka Tit VII ki pretan diskriminasyon nan anplwaye ak pratik travay ajans Lèzetazini epi defan Lèzetazini nan aksyon zsk sivil ilegal ki rantre nan Lwa Reklamasyon Zak Ilegal Sivil Federal [Federal Tort Claims Act], kòm neglijans medikal, responsabilite batiman ak aksidan otomobil. Epitou AUSA Pwosè Jeneral yo responsab pou defan ka nan anpil lòt sijè, ki enkli Lwa Libete Enfòmasyon, Lwa Konfidansyalite, Lwa Pwosedi Administratif, zak ilegal sivil Konstitisyonèl, Sekirite Sosyal, anfòse yon manda, lwa konstitisyonèl, dwa prizonye, ak kondamnasyon.
Gwoup Fwòd Swen Lsante/Anfòsman Sivil Afirmatif (ACE)
Gwoup Fwòd Medikal/ACE mennen ankèt ak mennen devan lajistis ka sivil anba Lwa Fò Reklamasyon ki emplike fwòd kont Lèzetazini ak zak penalite sivil ki emplike yon gwo varyete pwogram federal. Nan anpil ka, AUSA ki nan Gwoup Fwòd Medikal/ACE sèvi ak Lwa Enjonksyon [Lòd] Fwòd federal lan pou sispann fwòd lapòs, transfè, labank oswa medikal epi friz byen yo jwenn atravè aktivite fwòd. Anpil nan ka ke AUSA yo okipe nan Seksyon an te inisye pa moun ki denonse yo, ki anrejistre plent yo ki sele. Apre sa gouvènman an mennenankèt sou akizasyon yo, epi yo ka chwazi pou yo pouswiv zak la. Resamman, USAO regle amikalman yon ka fwòd famasetik, ki te komanse kòm yon ka moun ki denonse yo, pou plis ke $126 milyon. An plis de fwòd famasetik, AUSA ki nan Seksyon sa mennen ankèt ak pouswiv ka peyman anba tab, epi ak ka fwòd ki enplike koze kalite swen medikal ak aparèy medikal dirab.
Epitou AUSA nan Divizyon Sivil lan pouswiv aksyon dwa sivil daprè lwa federal kòm Fair Housing Act [Lwa Kay Ekitab] avèk Americans with Disabilities Act [Lwa Ameriken ak Enfimite].
Gwoup Pwosè Finansye (FLU)
Fonksyon prensipal Gwoup Pwosè Finansye (FLU) lan se pou plede ak anfòse koleksyon dèt kriminèl yo douwè Lèzetazini ak twazyèm pati yo, enkli ak restitisyon kriminèl, penalite finansye, ak aman. Epitou AUSA FLU yo anfòse dèt sivil ke yo douwè Lèzetazini, kòm prè elèv. AUSA yo ak pèsonèl sipo nan FLU pouswiv agresivman tout avni koleksyon ki disponib pou ke yo ka byen anfòse jijman kriminèl ak sivil yo.
DIVIZYON KONFISKE BYEN
Divizyon Konfiske Byen te fonde nan 1993 kòm yon Divizyon endepandan, è li konsantre sou pwosè sou tout konfiskasyon kriminèl ak sivil nan Distrik Sid Laflorid. Misyon Divizyon Konfiske Byen se pou pwomosyon, fasilite ak anfòse obligasyon lwa Ozetazini ki sèvi ak konfiskasyon kriminèl ak sivil pou deranje ak dekouraje aktivite kriminèl, pou kraze gwoup kriminèl uo, epi pou separe kriminèl yo ak asosye yo de pwofi yo jwenn nan aktivite ilegal yo an.
AUSA ki asinyen a Divizyon Konfiske Byen okipe tout koze konfiskasyon sivil nan Distrik lan; okipe ak ede AUSA nan Divizyon Kriminèl lan ak koze regadan konfiskasyon nan pwosè kriminèl, epi gen responsabilite anjeneral pou tout koze regadan konfiskasyon byen, enkli ak ankèt, konfiske, ak dispozisyon final byen yo. Distrik lan soulinyen konfiskasyon kriminèl epi yo toujou nan pati anlè lis la nan tout nasyon an nan rekouvèt konfiskasyon jidisye epi ak depo nan Fon Konfiskasyon Byen. Yo sèvi ak lajan yo konfiske, jan lalwa federal pèmèt lan, pou sipote aktivite anfòsman lalwa federal, eta ak lokal e, nan ka ki apwopriye, pou founi viktim aktivite kriminèl yo restorasyon komplè oswa pasyèl. Epitou pou konfiske benefis ak enstrimantalite pou krim de woutinn (kòm trafik dwòg, fwòd medikal ak ipotèk, chema Ponzi, ak krim anviwonman an), Distrik lan konfiske kont bankè nan peyi Lewòp, yon batiman kargo bò La Gres, objè ansyen pre-Kolonbyen, ak milyon dola ki fèt nan koripsyon piblik etranje, pami lòt koze anko.
DIVIZYON AP?L
Divizyon Apèl lan reprezante USAO lan nan Tibinal Apèl Etazini pou Onzyèm Sikwi an. Divizyon an okipe tout apèl ki ale nan Onzyèm Sikwi an pou ni ka sivil ak kriminèl ke Biwo a te mennen devan lajistis. Divizyon 18 manm lan se yon nan pi gwo ak sa ki plis okipe nan Depatman Lajistis lan. Lè yo fè espesyalis apèl yo okipe tout apèl sivil ak kriminèl, donk sa fè ke Divizyon Apèl yon depatman apa nan Biwo Komisè Etazini an. Poutèt istwa long ak siksè Divizyon an, lòt Biwo Komisè Etazini k ap chèche pou devlope yon divizyon apèl sèvi ak Divizyon pa nou an kòm egzanmp.
Dabitid pwosè apèl lan enkli preparasyon prezantasyon a lekri epi prezante agiman oral devan Tribinal Apèl. An plis de defan konviksyon kriminèl ak jijman sivil ke Biwo vin jwenn, Divizyon Apèl pote apèl afimatif bay Onzyèm Sikwi an sou desizyon advès pou Lèzetazini, apre ke yo konsilte ak Biwo Komisè devan Depatman Lajistis ak Divizyon Kriminèl oswa Sivil Depatman Lajistis nan Washington, D.C.
Epitou manm Divizyon Apèl lan bay konsèy epi konsilte sou koze legal ak Komisè Etazini ak lòt avoka nan Biwo. Omwen de avoka apèl asu=inyen kòm liyezon a chak biwo sikisal ak chak seksyon pwosè nan Biwo Miyami an.
