U.S. Department
of Justice
Dipartamentu di Justisa ta asegura un akordu ku Distritu Skolar di Massachusetts pa Garanti Igualdadi di Oportunidadis Idukativu pa Tudu Alunus, inkluindu falantis di K'iche
Oji Dipartamentu di Justisa anunsia un akordu ku Skólas Públiku di New Bedford (New Bedford Public Schools) pa rizolve investigason di dipartamentu sobri kes prátika di distritu skolar pa kumunika ku pais y tutoris ku kunhisimentu limitadu na inglês, inkluindu falantis di K’iche’, un língua nativu Maia.
Entri otus midida, distritu ta inplimenta mididas efikas pa identifika kes língua faladu pur alunus kuretamenti, y tanbé pa pais y tutoris, asi pa kes funsionárius di skóla ka ta pensa ma falantis di K'iche' é falantis nativu di spanhol pamodi ses país di orijen. Distritu tanbé konkorda na midjora ses prátika y dizenvolvimentu profisional pa satisfaze nisisidadis spesífiku di alunus di inglês ki ta fala K'iche' asi pa es pode ten asésu pa kes mésmu oportunidadis idukativu sima kes otus alunu di distritu.
“Alunus y famílias di kumunidadis indíjina Maia, txeu bês, ta infrenta bareras úniku pa ten asésu pa oportunidadis idukativu”, asi ki Prokurador-Jeral Adijuntu Kristen Clarke fla, di Divizon di Direitus Sivil di Dipartamentu di Justisa (Justice Department’s Civil Rights Division). “Es akordu jeral ta garanti ma distritu ta rikunhese y ta satisfaze kes nisisidadis di grandi parti di populason di studantis di língua kiche’ y ta kapasita pais pa partisipa na idukason di ses fidjus konpletamenti. Divizon di Direitus Sivil (The Civil Rights Division) sta inpenhadu pa proteje direitu di tudu kriansas a partisipa di forma igual na skóla”.
Es akordu ta rizulta di invistigason di dipartamentu konformi Lei di Igualdadi di Oportunidadis Idukativu di 1974 (Equal Educational Opportunities Act of 1974), inisiadu na 2020. Distritu kopera na tudu kes etapa di investigason y konprometi midjora ses prugrama através di rivizon di prátikas y dizenvolvimentu prufisional. Dipartamentu di Justisa ta kontrola inplimentason di es akordu di distritu duranti peluménus três anu letivu konpletu pa garanti ki distritu ta kunpri ku ses obrigason.
Aplikason di Lei di Igualdadi di Oportunidadis Idukativu di 1974 é un di kes prinsipal prioridadi di Divizon di Direitus Sivil di Dipartamentu di Justisa. Informason adisional sobri Divizon di Direitus Sivil sta dispunível na ses pájina di internet na www.justice.gov/crt.