የፍትህ መምሪያ በቼሪ ክሪክ፣ ኮሎራዶ፣ የትምህርት ወረዳ ውስጥ ላሉ ቤተሰቦች የቋንቋ እንቅፋቶችን ለመፍታት ስምምነትን አረጋግጧል

የፍትህ መምሪያ በኮሎራዶ ውስጥ ካሉት ትልቁ የት/ቤት ዲስትሪክቶች አንዱ ከሆነው ከቼሪ ክሪክ ትምህርት ቤት ወረዳ (CCSD) ጋር የመቋቋሚያ ስምምነት ማግኘቱን ዛሬ አስታውቋል፣ ይህም ውስን የእንግሊዝኛ ችሎታ ላላቸው ወላጆች የቋንቋ ተደራሽነት አገልግሎትን በእጅጉ ለማሻሻል ነው። ስምምነቱ ዲስትሪክቱ ከእነዚህ ወላጆች ጋር ሊረዱት በሚችሉት ቋንቋ ግንኙነት ማድረግ አለመቻሉን፤ በዚህም የልጆቻቸውን ትምህርት ጠቃሚ መረጃ እንዳያገኙ አድርጓል የሚለውን ክስ የሚፈታ ነው።

የፍትህ መምሪያ የሲቪል መብቶች ክፍል ረዳት ዋና አቃቤ ህግ ክሪስቲን ክላርክ “ማንኛውም ወላጅ በልጃቸው ትምህርት እንዳያውቁ ተደርገው መተው የለበትም” ብለዋል። "በትምህርት ቤቶች እና በወላጆች መካከል ግልጽ እና ውጤታማ ግንኙነት፣ ውስን የእንግሊዝኛ ችሎታ ያላቸው ወላጆችን ጨምሮ፣ ይህም ለተማሪዎች የእኩል የትምህርት እድሎች ተጠቃሚነት አስፈላጊ ነው። የፍትህ መምሪያ ወላጆች በልጆቻቸው ትምህርት ሙሉ በሙሉ እንዳይሳተፉ የሚከለክሏቸውን የቋንቋ እንቅፋቶችን ለመፍታት የትምህርት ወረዳዎች እርምጃዎችን እንዲወስዱ ማረጋገጡን ይቀጥላል።’’

የዩ.ኤስ የኮሎራዶ ወረዳ  ጠበቃ ኮሌ ፊንጋን “ውስን የእንግሊዝኛ ችሎታ ያላቸው ወላጆች የሕዝብ ትምህርት ቤቶች እንዴት እንደሚሠሩ ለመረዳት እንቅፋት ይገጥማቸዋል” ብለዋል። “ይህ ስምምነት በወረዳው ውስጥ ያሉ ሁሉም ወላጆች በልጆቻቸው ትምህርት በተገቢው መልኩ እንዲሳተፉ ለማድረግ የቼሪ ክሪክ ትምህርት ቤት ወረዳ  ፖሊሲዎችን እና ልምዶችን መተግበሩን ለማረጋገጥ ያለመ ነው። በኮሎራዶ የሚገኙ ሁሉም የትምህርት ቤት ወረዳዎች የተገደበ የእንግሊዝኛ ችሎታ ላላቸው ወላጆች የቋንቋ እርዳታ አገልግሎቶችን የመስጠት ግዴታቸውን መወጣታቸውን ለማረጋገጥ ተግባሮቻቸውን እንዲገመግሙ እናሳስባለን።”

CCSD ወላጆቻቸው ከ150 በላይ ቋንቋዎች የሚናገሩ ወደ 53,000 ለሚሆኑ ተማሪዎች አገልግሎት ይሰጣል። የኮሎራዶ ወረዳ  የዩ.ኤስ አቃቤ ህግ ቢሮ ብዙ ቅሬታዎችን የተቀበለ ሲሆን ይህም የእንግሊዝኛ ቋንቋ ችሎታቸው ውስን የሆኑ ወላጆች በአስፈላጊ የትምህርት ቤት ፕሮግራሞች እና እንቅስቃሴዎች ላይ ትርጉም ባለው መልኩ መሳተፍ አልቻሉም ምክንያቱም ወረዳው  ተገቢ እና ውጤታማ የቋንቋ እርዳታ አገልግሎቶችን አልሰጠም። ቅሬታዎቹ፣ ለምሳሌ፣ ወረዳው  የእንግሊዝኛ ቋንቋ ችሎታቸው ውስን ለሆኑ ወላጆች ልጆቻቸውን በወረዳው  ትምህርት ቤቶች ሲያስመዘግቡ የአስተርጓሚ እና የትርጉም አገልግሎት እንደማይሰጡ እና በማባረር ችሎቶች እና በሌሎች የዲሲፕሊን ሂደቶች ላይ እንደዚህ ያሉ አገልግሎቶችን አልሰጡም የሚል ነው።

የዩ.ኤስ አቃቤ ህግ ቢሮ ከፍትህ መምሪያ የሲቪል መብቶች ክፍል ጋር በመተባበር በ1974 እኩል የትምህርት እድል ህግ ስር ያሉትን ቅሬታዎች መርምሯል።

የመምሪያውን ምርመራ ለመፍታት ወሳኝ በሆኑ ጉዳዮች ላይ ያለውን ግንኙነት ለማሻሻል ተስማምቷል ከነዚህም ውስጥ፡-

• ምዝገባ፡ ወረዳው  የተገደበ የእንግሊዘኛ ችሎታ ያላቸውን እና ልጆቻቸውን በወረዳ  ትምህርት ቤቶች ለማስመዝገብ የሚፈልጉ ወላጆችን ይለያል፣ የመረጡትን የመገናኛ ቋንቋ ይመዘግባል፣ እና የምዝገባ ሂደቱን እንዲረዱ የቋንቋ እገዛ አገልግሎቶችን ያቀርብላቸዋል።
• የተማሪ የዲሲፕሊን ሂደቶች፡ ወረዳው  መታገድ እና መባረርን የሚያካትቱ ደብዳቤዎችን የተገደበ የእንግሊዘኛ ቋንቋ ችሎታ ላላቸው ወላጆች ወደ መረጡት ቋንቋዎች ይተረጉማል እና በዲሲፕሊን ሂደቶች ጊዜ ወደ መታገድ ወይም መባረር ሊያመራ የሚችል ጉዳይ ላይ የቋንቋ እገዛ አገልግሎት ይሰጣል።
• ውስን የእንግሊዝኛ ችሎታ ካላቸው ወላጆች ጋር መስተጋብር ማድረግ፡ ወረዳው  ውስን የእንግሊዝኛ ችሎታ ያላቸው ወላጆችን የግንኙነት ፍላጎቶች የበለጠ ለመረዳት የዳሰሳ ጥናቶችን ያካሂዳል እና ከደርዘን በላይ በሆኑ ቋንቋዎች የማዳመጥ ክፍለ ጊዜዎችን ያካሂዳል።

የ1974 እኩል የትምህርት እድሎች ህግ አፈፃፀም የሲቪል መብቶች ክፍል ከፍተኛ ቅድሚያ የሚሰጠው ጉዳይ ነው።  ስለ ሲቪል መብቶች ክፍል ተጨማሪ መረጃ በድረ-ገፁ በ www.justice.gov/crt ላይ ይገኛል፣ እና ስለ ትምህርታዊ እድሎች ክፍል ስራ ተጨማሪ መረጃ በ www.justice.gov/crt/educational-opportunities-section ላይ ይገኛል።

የዜጎችን የመብት ጥሰት ለሲቪል መብቶች ክፍል ሪፖርት ለማድረግ፣ እባክዎ www.civilrights.justice.gov/ ን ይጎብኙ። ስለ የዩ.ኤስ አቃቤ ህግ ቢሮ የሲቪል መብቶች ማስፈጸሚያ ፕሮግራም ተጨማሪ መረጃ በ www.justice.gov/usao-co/civil-rights-enforcement ላይ ማግኘት ይቻላል።